Маркус Рэшфорд "Манчестер Юнайтед"дан "Барселона"га ўтишга яқин турибди. Бир вақтнинг ўзида бир нечта нуфузли манбалар, жумладан, трансфер дунёсидаги энг ишончли хабарлар берадиган Фабрицио Романо ҳам келишув яқинлиги ҳақида хабар бермоқда. "Барса" 27 ёшли Рэшфордни сотиб олиш ҳуқуқи билан ижарага олмоқда.
Шу билан бирга, Романонинг таъкидлашича, яқинда "Барселона"да ички йиғилиш бўлиб ўтган. Клуб мутасаддилари "Ливерпуль"дан Луис Диаснинг трансферини жуда қиммат деб топди. Айнан шу сабаб "кўк-анорранглилар" Маркус Рэшфордни танлади.
Рэшфорднинг трансферини "Барселона"нинг германиялик бош мураббийи Ханс-Дитер Флик маъқуллади.
