"Фенербаҳче" Туркия чемпионатида "Галатасарой" билан рақобатлаша оладиган таркибни йиғиш мақсадида трансфер бозорида фаол иш олиб бормоқда. Ижтимоий тармоқларда журналист Яғиз Сабунчуўғлининг ёзишича, яқин вақт ичида "канарейкалар" Истанбулга ҳимоячи Милан Шкриньяр ва ҳужумкор ярим ҳимоячи Марко Асенсиони олиб келишни режалаштирмоқда. Футболчилар билан аллақачон келишувларга эришилган. Улар текширувдан ўтиш ва шартномалар тузиш учун Туркияга келишлари керак.
30 ёшли Шкриньяр ва 29 ёшли Асенсионинг трансфер ҳуқуқи "ПСЖ"га тегишли. Шкриньяр ўтган мавсумнинг иккинчи қисмида "Фенербахче"да ижарада ўйнаган эди. Асенсио эса бу вақтда "Астон Вилла"да ижара асосида ўйнаётган эди.
