"Наполи" ярим ҳимоячиси Кевин де Брюйне нега Италияга кўчиб ўтишга қарор қилгани ҳақида гапириб берди.
Бельгиялик футболчи "шаҳарликлар" сафида ўн йил ўйнагач, эркин агент сифатида "Манчестер Сити" сафини тарк этди. Июнь ойида хавбек "Наполи" билан шартнома имзолади.
"Мен Премьер-лигада узоқ вақт ўйнадим, аммо охир-оқибат Англиядан кетишга қарор қилдим. "Манчестер Сити" билан алоқам абадий сақланиб қолади. Ҳозирги вазиятда янги чақирув вақти келди, деб ҳисобладим. Италияда энг юқори даражадаги фаолиятимни давом эттиришим учун ажойиб имконият пайдо бўлди," - дея City Xtra де Брюйненинг сўзларини келтиради.
34 ёшли футболчининг "Наполи" билан шартномаси 2027 йилгача мўлжалланган бўлиб, уни автоматик равишда яна бир йилга узайтириш имконияти мавжуд.
