Мадриднинг "Реал" клуби ярим ҳимоячиси Дани Себальос ёздаёқ клубини ўзгартириши мумкин.
28 ёшли футболчи "қаймоқранглилар"нинг янги бош мураббийи Хаби Алонсо режаларига киритилмаган. Себальосга Италиянинг "Ювентус", "Рома" ва "Аталанта", шунингдек, Саудия Арабистони клублари қизиқиш билдирмоқда, аммо у ҳамон "Бетис"га қайтишни афзал кўрмоқда, деб ёзади журналист Руди Галетти. Севиляликларга келишувни расмийлаштириш осон бўлмайди, аммо иш аллақачон олиб борилмоқда.
Дани Себальос профессионал фаолиятини айнан "Бетис"да бошлаган. 2017 йилда "қироллик клуби" хавбекни трансфер учун 16,5 млн евро тўлаб, сотиб олганди. Transfermarkt талқинига кўра, футболчининг айни дамдаги нархи 10 млн еврога тенг.
