"РБ Лейпциг" форварди Беньямин Шешко фаолиятини "Манчестер Юнайтед"да давом эттирмоқчи.
22 ёшли футболчи жамоанинг еврокубокларда иштирок этмаётганига қарамай, жорий трансфер ойнасида "қизил иблислар" сафига қўшилишга умид қилмоқда, дея хабар беради Give Me Sport. Манкунианликлар Олли Уоткинс ("Астон Вилла") ва Николас Жексон ("Челси") билан бир қаторда словениялик номзодни ҳам кўриб чиқмоқда.
Бенямин Шешко учун курашда узоқ вақтдан бери Лондоннинг "Арсенал" клуби фаворит бўлиб келган, аммо "канонирлар" трансфер шартлари бўйича "РБ Лейпциг" билан келиша олмай, якунда Лиссабоннинг "Спортинг" клубидан Виктор Дьёкереш вариантига ўтишган.
