Бильбаонинг "Атлетик" клуби "Ан-Наср" марказий ҳимоячиси Эмерик Лапорт трансфери устида иш бошлади.
Шанба куни баск клуби 31 ёшли футболчи учун биринчи оғзаки таклифни билдирди, дея хабар бермоқда инсайдер Фабрицио Романо. "Ан-Наср" испаниялик футболчига ишонмоқчи эмас ва жорий трансфер ойнасида у билан хайрлашишга тайёр. "Атлетик" юлдуз тарбияланувчисини қайтариш учун бор кучини ишга солади.
Эмерик Лапорт 2023 йилдан буён Саудия Арабистонида тўп тепиб келмоқда. Олдинги беш йил давомида у "Манчестер Сити" шарафини ҳимоя қилган ва фаолиятининг бошида "Атлетик"да ўйнаган ва у ерда 200 дан ортиқ ўйин ўтказган. Transfermarkt порталида футболчининг нархи - 15 млн евро.













