Лондоннинг "Арсенал" клуби Мадриднинг "Реал" клуби вингери Родриго билан шартнома имзолаш фикридан қайтмади. Яқинда "тўпчилар" сафини ҳужум қанотининг яна бир футболчиси - "Челси"дан 55 млн евродан кўпроқ маблағ эвазига трансфер қилинган Нони Мадуэке тўлдирди. CaughtOffside хабарига кўра, инглизнинг трансфери "Арсенал"нинг Родриго борасидаги режаларига таъсир қилмаган: лондонликлар ҳамон бразилиялик юлдузни ўз сафига қўшиб олишга умид қилмоқда ва унинг учун "Реал"га 80 млн евро таклиф қилишга тайёр.

Родригонинг машҳур Transfermarkt сайтидаги нархи - 90 млн евро. "Қаймоқранглилар" 24 ёшли футболчи учун 100 млн евродан кўпроқ сўраши мумкин.