Ярим ҳимоячи Федерико Бернардески "Болонья" футболчисига айланди. Италия клуби расмий сайти жамоага эркин агент мақомида келган 31 ёшли футболчининг трансферини тасдиқлади. Келишув муддати ошкор этилмаган.
Эслатиб ўтамиз, Бернардески 2022 йилдан буён тўп тепиб келаётган Канаданинг "Торонто" клуби билан шартномасини бекор қилганди. МЛСда у 99 та ўйин ўтказиб, 26 та гол урди ва 16 та голли узатмани амалга оширди.
Бунгача футболчи "Фиорентина", "Кротоне" ва "Ювентус" клубларида ўйнаган, улар билан уч карра Италия чемпиони бўлган, 2021 йилда эса терма жамоа сафида Европа чемпионати олтин медалини қўлга киритган.
