Хорватиялик ярим ҳимоячи Лука Модрич "Милан" футболчисига айланди, у камида келаси мавсумни шу клубда ўтказади. "Милан"нинг англиялик ярим ҳимоячиси Рубен Лофтус-Чик у ҳақидаги фикрлари билан ўртоқлашди.
"Модричга қарши ўйнаганман. Ҳар ким ҳам "Олтин тўп"ни қўлга киритгани билан мақтана олмайди. У юқори даражадаги футболчи, ажойиб фаолият олиб борган ва бизга унинг тажрибаси керак. У жамоага кўп нарса бера олишига ишонаман," - дея Рубен Лофтус-Чикнинг сўзларини келтиради pianetamilan.it.
Эслатиб ўтамиз, Рубен Лофтус-Чик 2023 йилдан буён Италиянинг "Милан" клуби шарафини ҳимоя қилиб келмоқда.
