"Барселона"нинг собиқ юлдузи Боян Кркич клубга қайтмоқда - энди табиийки, футболчи сифатида эмас, маъмурий ходим сифатида. У жамоанинг техник директори бўлиб ишлаётган португалиялик Декуга ёрдам беради.
2022 йилда фаолиятини якунлаган Кркич ўз вақтида иккинчи Месси ҳисобланган, аммо "Барселона"да унинг ишлари унчалик юришмади. У "Рома" ва "Милан"да ўйнашга муваффақ бўлди, аммо фаолиятининг бошида одамлар айтган салоҳиятни намойиш эта олмади. Сўнгги икки йилда у "Барселона"да скаут бўлиб ишлаган, ҳозирда эса унинг лавозими оширилган.













