"Барселона"нинг "Камп Ноу"га қайтиши яна ортга сурилмоқда. Яқиндагина Каталония клуби ёзда қадрдон стадионига қайтишни режалаштирган эди, аммо буни камида яна олти ой кутишга тўғри келиши мумкин. Diario Sport хабарига кўра, "Барселона" 2026 йил январигача "Монжуик"да ўйнашда давом этишига ишончи комил.
"Кўк-анорранглилар" медиа бўлими директорлар кенгашига ноаниқлик шароитида мухлисларнинг умидларини оширмаслик учун "Камп Ноу"га қайтишнинг янги санасини эълон қилмасликни тавсия қилди.
Аввалроқ, "Барселона" ўз стадионида ўйнаш учун лицензия олмагани маълум бўлганди.
