"Пачука" клуби ва Мексика терма жамоаси яримҳимоячиси Эктор Эррера фаолиятини "Порту"да давом эттирадиган бўлди. Маълум бўлишича, шартнома 2017 йилгача амал қилади.
Португалия клуби ўйинчининг 80 фоиз трансфер ҳуқуқи учун 8 миллион евро сарфлаган. 23 ёшли мексикаликнинг янги шартномасини бекор қилиш суммаси 40 миллион евро деб белгиланган.
Эътиборга олиш жоиз, Эррера Олимпиада чемпиони ҳисобланади. У Мексика термаси таркибида Лондон-2012 ғолиби бўлганди. Шу сабабдан ўтган йили унга "Манчестер Юнайтед" ва "Ливерпуль" клублари қизиқиш билдирганди.
