"Наполи" ҳужумчиси Виктор Осимхен карьерасини "Галатасарай"да давом эттириши 99 фоиз аниқ бўлди. Клублар трансфернинг барча тафсилотларини келишиб олишди, деб хабар бермоқда инсайдер Фабрицио Романо. Яқин кунларда ҳужжатлар расмийлаштирилади, шундан сўнг трансфер расман эълон қилинади.
Битимнинг умумий қиймати 75 миллион еврони ташкил этади. Кутилганидек, "Галатасарай" 26 ёшли футболчи учун дарҳол 40 миллион евро тўлайди, қолган 35 миллиони эса бир йилдан кейин тўланади. Шунингдек, "Наполи" нигерияликнинг келажакдаги қайта сотилиш суммасининг 10 фоизини олади. Истанбул клуби кейинги икки йил ичида ўйинчини Серия А вакилларига сота олмайди - неаполликлар айнан шу шартни қўйишган.
Виктор Осимхен ўтган мавсумда турк гранди сафида ижара асосида тўп тепган ва 41 та ўйинда 37 та гол урган.
