"Napoli" hujumchisi Viktor Osimxen karyerasini "Galatasaray"da davom ettirishi 99 foiz aniq bo‘ldi. Klublar transferning barcha tafsilotlarini kelishib olishdi, deb xabar bermoqda insayder Fabrisio Romano. Yaqin kunlarda hujjatlar rasmiylashtiriladi, shundan so‘ng transfer rasman e’lon qilinadi.
Bitimning umumiy qiymati 75 million yevroni tashkil etadi. Kutilganidek, "Galatasaray" 26 yoshli futbolchi uchun darhol 40 million yevro to‘laydi, qolgan 35 millioni esa bir yildan keyin to‘lanadi. Shuningdek, "Napoli" nigeriyalikning kelajakdagi qayta sotilish summasining 10 foizini oladi. Istanbul klubi keyingi ikki yil ichida o‘yinchini Seriya A vakillariga sota olmaydi - neapolliklar aynan shu shartni qo‘yishgan.
Viktor Osimxen o‘tgan mavsumda turk grandi safida ijara asosida to‘p tepgan va 41 ta o‘yinda 37 ta gol urgan.
