"Фламенго" ҳимоячиси Уэсли тез орада "Рома" футболчисига айланиши мумкин. Бу ҳақда инсайдер Фабрицио Романо ижтимоий тармоқларида ёзган.
Манбага кўра, Рим клуби 21 ёшли бразилиялик учун 25 миллион евро ва бонуслар тўлашга тайёр. Қайд этилишича, “Фламенго” келишувнинг якуний босқичида – клуб ҳали Уэсли ўрнига футболчи бўйича қарор қабул қилиши керак, шундан сўнг трансфер ёпилади.
Футболчининг ўзи фаолиятини Европада давом эттирмоқчи ва ҳозирданоқ бу ҳаракатга ҳозирлик кўрмоқда. Эслатиб ўтамиз, аввалроқ ёш ҳимоячига Россия клублари қизиқиш билдирганди, бироқ Уэсли "Рома"ни танлашга қарор қилди.
Жорий мавсумда у Бразилия чемпионатида “Фламенго” сафида 10 та ўйинда майдонга тушди ва 2 та голли узатмани амалга оширди.
