Федерико Кьеза "Ливерпул"нинг яқинлашиб келаётган Осиё турнесида иштирок этмайди, деб хабар беради Liverpool.com сайти.
Манба берган хабарга кўра, 27 ёшли италиялик вингер ҳозирги жисмоний ҳолати туфайли "мерсисайдликлар" таркибига киритилмаган. Бир кун аввал Кьеза "Сток Сити"га қарши ўртоқлик ўйинининг (5:0),танаффусида майдонга тушди ва дарҳол гол урди.
Қайд этиш жоиз, Англия Премьер-лигасида ўтган мавсум у учун омадсиз кечди – вингер бор-йўғи олтита ўйинда қатнашди ва бирорта ҳам голли ҳаракатни қайд эта олмади. Июнь ойида Кьеза А Серияга қайтиши ва "Наполи" билан боғлангани ҳақида хабарлар пайдо бўлганди.
Осиё турнеси доирасида "Ливерпуль" иккита ўйин ўтказади: 26 июлда "Милан"га қарши ва 30 июлда "Йокогама Маринос"га қарши.
