Лондоннинг "Арсенал" клуби бош мураббийи Микель Артета италиялик футболчининг Англиядаги биринчи мавсуми турлича бўлганига қарамай, ҳимоячи Рикардо Калафьорининг муваффақиятига ишонмоқда.

Футболчи доимий жароҳатлар туфайли азият чекди, шу сабабли бутун мавсум давомида атиги 29 марта майдонга тушди.

"Менимча, Калафьорини ажойиб мавсум кутмоқда, у мотивацияга тўла. Бизнинг асосий вазифаларимиздан бири - ўйинчилар тайёр бўлиши учун ҳамма нарсани қилиш. Рикардо терма жамоа сафида иккита жиддий жароҳат олди, бунақаси бўлиб туради. У ажойиб фазилатларга эга ва бизга соғлом керак. Албатта, ўтган мавсумда у етарлича ўйнамади. Умид қиламанки, энди вазиятни яхшироқ тушуниш ва кўпроқ омад туфайли ҳамма нарса ўзгаради," - дея Артетанинг сўзларини келтиради инглиз ОАВ.

Эслатиб ўтамиз, Рикардо Калафьори ўтган йилнинг июль ойида "Болонья"дан 45 млн евро эвазига "Арсенал"га ўтган эди.