"Ливерпуль" ҳужумчиси Дарвин Нуньес "Ювентус" қизиқишлари доирасига тушиб қолди. А Серия гранди Душан Влахович билан хайрлашиб, ёзги трансфер ойнаси ёпилгунга қадар янги форвардни ўз сафига қўшиб олмоқчи. La Stampa хабарига кўра, "кекса синьора" раҳбарияти Нуньес бўйича музокараларни режалаштирган. "Ливерпуль" уругвайлик футболчи учун 60 млн евро атрофида пул сўрамоқда, аммо у ижарага ҳам рози бўлиши мумкин.
Дарвин Нуньесни қўлга киритишга "Наполи" ва Саудия Арабистонининг "Ал-Ҳилол" клуби ҳам қизиқиш билдирган. 26 ёшли футболчининг мерсисайдликлар билан шартномаси 2028 йилнинг ярмигача мўлжалланган.
