Лондоннинг "Арсенал" клуби футболчиси Габриэль Магальянс Виктор Дьёкерешнинг ўйини ҳақида ўз фикрлари билан ўртоқлашди.
Эслатиб ўтамиз, "Спортинг"нинг швециялик форварди жорий ёзда "канонирлар"нинг трансфер мақсадига айланган эди.
"Ҳаммамиз унинг ажойиб ўйинчи эканини биламиз, лекин у "Арсенал" эмас, "Спортинг" футболчиси. Ўтган йили унга қарши ўйнаш осон бўлмади. У ажойиб ва сермаҳсул мавсум ўтказди," - дея Габриэлнинг сўзларини келтиради ВВС.
Ўтган мавсумда Дьёкереш ажойиб статистикани намойиш этди - швециялик 52 ўйинда 54 гол урди ва 13 голга узатма берди.
