Лондоннинг "Арсенал" клуби марказий ҳимоячиси Габриэль Магальянс унинг Саудия Арабистонига кўчиб ўтиши мумкинлиги ҳақидаги трансфер миш-мишларига изоҳ берди.
"Мен шахсан ҳеч нарса ҳақида эшитмадим, таклифлар олмадим. Диққатимни "Арсенал"га қаратяпман. Мен клубда беш йилдан бери ҳаракат қиляпман ва унинг қанчалик ўсганини кўриб турибман," - дея футболчининг сўзларини келтиради ESPN.
Ўтган мавсумда бразилиялик ҳимоячи "Арсенал" сафида 42 та ўйинда майдонга тушиб, 5 та гол урди ва 3 та голли узатмани амалга оширди. Жорий йилнинг июнь ойида Габриэль "канонирлар" билан шартномасини узайтирди - футболчи Лондонда 2029 йилгача қолади. Transfermarkt талқинига кўра, 27 ёшли бразилияликнинг нархи - 75 млн евро.
