Италиянинг "Фиорентина" клуби дарвозабони Давид де Хеа Испания терма жамоасида яна ўйнаш истаги бор-йўқлиги ҳақидаги саволга жавоб берди.

"Мен Испания терма жамоасида етарлича ўйнадим, терма жамоада кўп йиллар ўтказдим, ажойиб хотираларим бор. Ҳозир қўлимдан келганини қиляпман. Агар мураббий қайсидир пайтда мени чақирмоқчи бўлса, мен тайёрман. Лекин мен ташвишланаётган нарса бу эмас. Мен у ерда ўз давримни ўтказдим, 2 та жаҳон ва Европа чемпионатида ўйнадим, қўлимдан келганини қилдим. Ҳозир менинг хаёлимда фақат "Фиорентина," биз мавсумни яхши ўтказмоқчимиз," - деди дарвозабон.

Де Хеа охирги марта 2021 йилда терма жамоада ўйнаган.