"Аталанта" 26 ёшли ҳужумчи Матео Ретеги Саудия Арабистонининг "Ал-Қодисия" клубига ўтганини расман эълон қилди.
Инсайдер Фабрицио Романонинг маълум қилишича, трансфер қиймати 65 миллион еврони ташкил қилган. Ретеги бергамоликлар сафида ўтган мавсумни ажойиб ўтказди ва 36 та ўйинда 25 та гол уриб, А Сериянинг энг яхши тўпурари бўлди.
Италия паспортига эга бўлган аргентиналик футболчи ўзининг натижалари билан бир қатор клубларнинг эътиборини тортди, аммо охир-оқибат Саудия Арабистонига кўчиб ўтишни танлади. Transfermarkt маълумотларига кўра, Ретегининг бозор нархи 45 миллион еврога баҳоланмоқда.
