Мадриднинг "Атлетико" клуби "Манчестер Юнайтед" вингери Антони учун асосий даъвогарга айланди.
Диего Симеоне жамоасидан ташқари, бразилиялик қанот ҳужумчисига "Бетис" ҳам қизиқиш билдирмоқда. Аввалроқ, Севилья клуби Антонининг хизматларига қизиқиш билдираётгани, аммо сўралган 40 миллион еврони тўлашга тайёр эмаслиги ҳақида хабар берилганди - ОАВ маълумотларига кўра, "Атлетико" футболчи учун айнан шунча пул тўлаши кутилмоқда.
Ўтган мавсумнинг иккинчи ярмида Антони Испания чемпионатида "Бетис"да ижара асосида ўйнаган ва у ерда 17 та ўйин ўтказиб, бешта гол урган ва икки марта шерикларига голли узатмани амалга оширган.
