"Ливерпуль" Франкфуртнинг "Айнтрахт" клуби ҳужумчиси Юго Экитикени трансфер қилишни якунламоқда.
Клублар 23 ёшли футболчини эҳтимолий бонусларни ҳисобга олган ҳолда 95 млн еврога трансфер қилишга келишиб олди, французнинг ўзи ҳам трансферга розилик берди. ESPN хабарига кўра, Экитике Карим Бенземани ўзига намуна деб билади: "Реал"нинг собиқ ҳужумчиси сингари, "қизиллар"нинг бўлажак янги футболчиси ҳужумда ҳаракатчан, тўп билан яхши муомала қилади ва жамоавий ўйнашни яхши кўради.
Ўтган мавсумда Юго Экитике "Айнтрахт" сафида барча мусобақаларда 48 та ўйинда майдонга тушиб, 22 та гол урди ва 12 та голли узатмани амалга оширди. Аввалроқ футболчи ўз ватанида "ПСЖ" ва "Реймс" клубларида ўйнаган.
