Португалиянинг "Каза Пиа" клуби марказий ҳимоячиси Рубен Клюйверт Франция чемпионатига кўчиб ўтиши мумкин. Футболчининг хизматларига "Лион" қизиқиш билдирмоқда, деб хабар беради RMC Sport.
Манбага кўра, томонлар ўтмишда "Барселона", "Аякс" ва Нидерландия терма жамоасининг машҳур футболчиси Патрик Клюйвертнинг ўғли бўлган футболчини 3 миллион еврога сотишга келишиб олган.
Ўтган мавсумда 24 ёшли Клюйверт барча эҳтимолий клуб турнирларида 24 та ўйинда майдонга тушди, 7 та огоҳлантириш олди, 1 та гол урди ва 1 та голли узатмани амалга оширди. Унинг клуби чемпионат турнир жадвалида тўққизинчи ўринни эгаллади.
