"Ливерпуль" бош мураббийи Арне Слот Франкфуртнинг "Айнтрахт" клуби ҳужумчиси Юго Экитикени кўндира олди.
Трансфер аллақачон келишилган ва тез орада расман тасдиқланади. Битим қиймати бонуслар фаоллаштирилганда 90 млн евродан ошади. ESPN хабарига кўра, "Ливерпуль"га ўтиш қарори Экитике учун жуда осон бўлган. Слот билан суҳбатдан сўнг, ўйинчи бундай қадамнинг мақсадга мувофиқлигига тўлиқ ишонч ҳосил қилди.
Нидерландиялик мутахассис француз билан видеомулоқот ўтказиб, нима учун жамоага бундай ҳужумчи кераклигини батафсил тушунтирди. Экитике ўзига жамоада бериладиган вазифалар унга жуда мос келади деб ҳисоблади, шунинг учун унда ҳеч қандай шубҳа туғилмади. 23 ёшли футболчи фаолиятини "Энфилд"да давом эттиришга қарор қилди, гарчи унга бошқа клублар ҳам даъвогарлик қилган бўлса-да.
