Ҳужумчи Гонсало Гарсия Мадриднинг "Реал" клуби билан янги шартнома имзолаши мумкин.
21 ёшли футболчи яқинда бўлиб ўтган клублар ўртасидаги жаҳон чемпионатида тўртта гол уриб, турнирнинг "Олтин бутса"сини қўлга киритди. Diario AS хабарига кўра, "қаймоқранглилар" испаниялик футболчи билан янги меҳнат шартномаси бўйича музокараларни бошлаб юборган.
Гонсало Гарсиянинг "Реал" билан амалдаги келишуви 2027 йилнинг ярмигача мўлжалланган. Сўнгги ҳафталарда форвардга Европанинг етакчи лигаларидаги нуфузли клублардан кўплаб таклифлар бўлгани айтилмоқда.













