"Брайтон" ҳимоячиси Первис Эступиньян "Милан" билан келишувга эришди. Бу ҳақда журналист Бен Жейкобс ўз ижтимоий тармоқларида маълум қилди.
Аввалроқ, ушбу манба Эквадор терма жамоаси футболчисига "Манчестер Юнайтед" клуби фаол қизиқиш билдираётгани ҳақида хабар берган эди. "Брайтон" Эступиньян ўрнига аллақачон "Брюгге"дан Максим де Кейперни сотиб олди.
"Милан" афсонаси Кафу ушбу футболчи жамоага жуда мос келишини таъкидлади.
"У чаққон, қўрқмасдан олдинга боради, вазиятни ўз қўлига олишдан қўрқмайди. А Серия талабчан, лекин бундай жисмоний кўрсаткичлар билан у муваффақиятга эришади."
Бошқа ОАВ маълумотларига кўра, шартнома 4 мавсумга имзоланади ва эквадорликнинг маоши йилига 2 миллион еврони ташкил қилади.
