Сербиянинг "Црвена Звезда" клуби Австрия терма жамоаси ҳужумчиси Марко Арнаутович билан шартнома имзолаганини эълон қилди.
Бугун, 22 июль куни Арнаутович Белград клуби билан 2027 йилнинг ёзига қадар шартнома имзолади. Ҳужумчи "Црвена Звезда" сафида 89-рақам остида ўйнайди.
Аввалроқ 36 ёшли Марко Арнаутович “Интер”, “Вердер”, “Вест Хэм” ва бошқа бир қатор клубларда ўйнаган. Июль ойи бошидан у эркин агент мақомига эга. Арнаутович Австрия терма жамоаси сафида 125 та ўйин ўтказиб, 41 та гол урган.













