"Милан" ҳимоячиси Томмазо Побега "Болонья"га қайтмоқда. Журналист Жанлука Ди Марционинг ёзишича, 26 ёшли италиялик футболчи 2025/26 йилги мавсумни "қизил-кўклар" сафида ижарада ўтказади, "Болонья" эса келишув якунлангач, футболчини етти миллион еврога сотиб олишга мажбур бўлади. Ижаранинг ўзи учун клуб "Милан"га бир миллион евро тўлайди.
Эслатиб ўтамиз, ўтган мавсумда "Болонья" Побегани 12 млн еврога сотиб олиш имкониятидан фойдаланмаган эди. Энди томонлар янги шартлар асосида келишиб олдилар. Италия чемпионатининг 2024/25 йилги мавсумида Побега 21 та ўйин ўтказиб, иккита гол урди ва иккита голли узатмани амалга оширди.













