30 ёшли дарвозабон Пау Лопес "Бетис" билан шартнома имзолади, дея хабар бермоқда испан жамоаси матбуот хизмати.
Қайд этилишича, дарвозабон билан келишув 3 йилга мўлжалланган.
Эслатиб ўтамиз, Испания терма жамоаси сафида 2 та ўйин ўтказган Лопес бунгача ҳам "Бетис" шарафини ҳимоя қилган. У 2018 йилнинг ёзида жамоа сафини тўлдирди ва бир йилдан сўнг 23,5 миллион евро эвазига "Рома"га ўтди.
Лопеснинг сўнгги клуби Мексиканинг "Толука" клуби эди. Шунингдек, у "Тоттенхэм", "Эспаньол", "Марсель", "Рома" ва "Жирона" клубларида ҳам тўп тепган.
Эслатиб ўтамиз, "Бетис" Европа Лигаси гуруҳ босқичида ўйнайди.













