Мадриднинг "Атлетико" клуби ўнг қанот ҳимоячиси Науэль Молина фаолиятини "Ювентус"да давом эттириши мумкин.
Турин клуби раҳбарияти аргентиналик футболчини асосий трансфер мақсади сифатида белгилади, деб хабар беради La Gazzetta dello Sport. "Матрасчилар" 27 ёшли футболчини сотиш орқали 25-30 млн евро ишлаб олишни режалаштирмоқда.
Науэль Молинанинг "Атлетико" билан шартномаси 2027 йилнинг ёзига қадар мўлжалланган бўлиб, Transfermarkt портали талқинига кўра, унинг нархи 20 млн еврони ташкил этади. Ўтган мавсумда футболчи Диего Симеоне жамоаси сафида барча мусобақаларда 46 та ўйинда майдонга тушиб, битта гол ва учта голли узатмани ўз ҳисобига ёздириб қўйди.
