ФИФАнинг собиқ тоифадаги ҳаками Феликс Брих фаолиятидаги энг асосий симулятор ҳақида ўз фикрларини билдирди.
"Ҳозирги даврда "симулянтлар"га қийинроқ бўлмоқда, ахир VAR тизими бор. Менинг давримда Неймар афсона эди. Унинг юзидаги ҳис-туйғулар қанчалик кучли бўлса, мен шунчалик хотиржам эдим. Ахир жароҳат олган футболчи майдонда думалаш ўрнига ҳаракатсиз ҳолатда бўлади," - дея Брихнинг сўзларини келтиради Focus нашри.
Неймар ўтмишда "Барселона" ва "ПСЖ" клубларида тўп тепган, шундан сўнг "Ал-Ҳилол"га ўтган ва жароҳатлар сабаб деярли ўйнамаган. Ҳозирда у Бразилиянинг "Сантос" клуби шарафини ҳимоя қилмоқда.
