Ярим ҳимоячи Томмазо Побега яна "Болонья" футболчисига айланади. "Милан" хавбекни яна бир йилга ижарага берди. Битим қиймати 1 млн еврога баҳоланмоқда.
Эслатиб ўтамиз, 26 ёшли Побега ўтган мавсумни тўлиқ "Болонья"да ижарада ўтказган эди. Футболчи "Милан" тарбияланувчиси ҳисобланади, аммо бу унинг "россонерилар"дан бошқа клубга олтинчи ижараси бўлди. Томмазонинг "Милан" билан шартномаси 2027 йилнинг ёзигача амал қилади.
"Болонья" Винченцо Италиано қўл остида ўтган мавсум якунларига кўра Италия кубоги соҳибига айланди, жамоа келаси мавсумда УЕФА Европа лигасида иштирок этади. Ўтган мавсумда "Болонья" Чемпионлар лигасида ўйнаган эди.













