Ҳужумкор яримҳимоячи Аббосбек Файзуллаев ЦСКАдан "Истанбул Башакшеҳир"га ўтиши мумкин. Ўзбекистонлик футболчининг вазиятига Москва клубида коммуникациялар хизматини бошқараётган Кирилл Брейдо изоҳ берди.
"Аббос тиббий кўрикдан ўтиш учун учиб кетди. Тиббий текширувлар эртага, клублар келишувни расмийлаштириш жараёнида бошланади," - дея Брейдонинг сўзларини келтиради Match ТV.
Аввалроқ, Аббосбек Файзуллаев "Истанбул Башакшеҳир" учун текширувдан ўта олмагани ҳақида хабарлар тарқалган эди. Бироқ, бу маълумот тасдиқланмади, чунки текширув ҳали бошланмаган.
