"Порту" ўзининг расмий сайтида вингер Франсишку Консейсаунинг тўлақонли трансфери ҳақида маълумот жойлаштирди. Португалия клуби футболчини 32 миллион еврога "Ювентус"га сотди.
"Порту"нинг қайд этишича, Консейсау соф тушумнинг 20 фоизини олиш ҳуқуқидан воз кечган. Шу тариқа, "аждарлар" умумий ҳисобда 41,5 миллион евро олади (ижара нархи 9,5 миллион эди).
Шунингдек, "Порту" бирдамлик механизми ва воситачилик йиғимлари учун жавобгарликни ўз зиммасига олишини таъкидлади.
"Ювентус" сафида Франсишку Консейсау 40 та ўйинда майдонга тушиб, еттита гол урган ва шерикларига олтита голли узатмани амалга оширган.
