Аввалроқ, франциялик ярим ҳимоячи Энцо Мийога қизиқиш билдираётгани айтилган Туркиянинг "Галатасарой" клуби келишувни якунлашга янада яқинлашди. Бу ҳақда Германиянинг Kicker нашри хабар бермоқда.
Манбага кўра, манфаатдор томонлар аллақачон оғзаки келишувга эришган. Аввалроқ, "Штутгарт" шарафини ҳимоя қилаётган Мийо ватанига қайтиши мумкинлиги айтилганди, аммо якунда унга бирорта ҳам муносиб таклиф бўлмади.
Мийонинг амалдаги шартномаси 2028 йилда ўз ниҳоясига етади, бироқ у "Штутгарт" тахминан 16 миллион евро товон пули олса, кетиши мумкин (бошқа маълумотларга кўра - 20).
