"Милан" вингери Рафаэль Леауга "Бавария" қизиқмоқда. Сўнгги пайтларда мюнхенликларнинг асосий нишони "Ливерпуль" вакили Луис Диас бўлиб турибди, аммо "россонерилар" юлдузини ўз сафига қўшиб олиши ҳам истисно қилинмаяпти. Sport BIld хабарига кўра, Леаунинг ўзи жорий трансфер ойнасида "Бавария"га ўтишга тайёр. Португалиялик аллақачон Саудия Арабистонининг фойдали таклифини рад этган, чунки у Европада топ-даражадаги фаолиятини давом эттирмоқчи.
Тахминларга кўра, Рафаэль Леау "Бавария"да йилига 15 млн евро атрофида маош олмоқчи. Transfermarkt портали экспертлари 26 ёшли футболчининг нархини 70 млн еврога баҳоламоқда.
