"Бавария" ёзги трансферлар ойнаси ёпилгунга қадар ҳужумни кучайтирмоқчи.

Мюнхенликлар "РБ Лейпциг" ҳужумкор ярим ҳимоячиси Хави Симонс ва "Штутгарт" ҳужумчиси Ник Вольтемадега қизиқиш билдираётган эди. Sport Bild хабарига кўра, "Бавария" немис футболчисидан воз кечмаган ва ҳамон уни бозордаги устувор вариант деб ҳисобламоқда, нидерландиялик эса фақат муқобил вариант.

"Штутгарт" билан 23 ёшли ҳужумчи бўйича музокаралар ҳозирча тўхтатилган. Айни пайтда "Бавария" учинчи таклифни беришни режалаштирмаяпти, аммо футболчи трансферни амалга оширмоқчи ва амалдаги Германия чемпиони раҳбарияти ёз охирига яқин келишувни амалга ошириш осонроқ бўлади, деб ҳисобламоқда.