Ҳимоячи Харри Магуайр "Манчестер Юнайтед"нинг АҚШдаги мавсумолди йиғинига жамоа билан бормади. Мухлислар 2019 йилда 87 миллион евро тўланган қимматбаҳо активлари қаерда экани ҳақида ўйлай бошлашди. Маълум бўлишича, футболчида ҳаммаси жойида. Магуайр баъзи шахсий муаммоларини ҳал қилди ва тез орада жамоага қўшилади.
- Энди ҳаммаси жойида. Эртага жамоа олдига етиб бораман. Мендан хавотирланганингиз учун раҳмат," - деб ёзди Магуайр ижтимоий тармоқда.
"Манчестер Юнайтед" сафида Харри Магуайр турли мусобақаларда 246 та расмий ўйин ўтказиб, 15 та гол урган ва шерикларига 8 та голли узатмани амалга оширган.
