Мадриднинг "Реал" клуби вингери Родриго доимий ўйин амалиётига эга бўлмаса-да, жамоада қолиши мумкин.

24 ёшли футболчига узоқ вақт давомида Лондоннинг "Арсенал" клуби қизиқиш билдирган, аммо трансфер амалга ошмаган. Журналист Хоаким Перанинг ёзишича, Родриго расмий агенти йўқлиги сабабли ҳеч қаерга кўчиб ўтмаслиги эҳтимоли катта. Ўйинчининг ишлари билан керакли тажрибага эга бўлмаган отаси шуғулланади. Бразилиялик футболчининг трансферини амалга оширишда воситачилар ҳам ёрдам бермоқда - улар "қаймоқранглилар" юлдузини Англия Премьер-лигаси клубларидан бирига олиб ўтишга ҳаракат қилмоқда.

Миш-мишларга кўра, Мадриднинг "Реал" клуби Родриго учун 100 млн евродан кўпроқ пул сўрамоқда. Бундай миқдордаги пулни тўламоқчи бўлганлар ҳали топилмади.