Ҳужумчи Томас Мюллер "Бавария" билан хайрлашганидан кейин ўзига янги клуб излашда давом этмоқда.
Миш-мишлар узоқ вақтдан бери тажрибали футболчи МЛСга кўчиб ўтиши билан боғлиқ, футболчининг ўзи ҳам интервьюда карьерасини давом эттиришнинг бундай вариантига қизиқиш билдирган. Шунга қарамай, Bayern & Germany хабарига кўра, Мюллер кутилмаганда Австралияга йўл олиши мумкин - у билан бир неча ҳафтадан бери "Сидней" музокаралар олиб бормоқда. Келишув Австралия чемпионати тарихидаги энг шов-шувли келишувлардан бирига айланиши мумкин, аммо клубнинг 35 ёшли ҳужумчини кўндириш имконияти ҳали унчалик катта эмас.
Тахминларга кўра, "Сидней"нинг Томас Мюллер учун курашда фақат битта рақиби бор - бу номи ошкор этилмаган МЛС вакили. Футболчи ҳали ҳам АҚШга кўчиб ўтишга моил, аммо Австралия вариантини ҳам истисно қилмаяпти.
