Лондоннинг "Арсенал" клуби ярим ҳимоячиси Мартин Субименди жамоа бош мураббийи Микель Артета ҳақида фикр билдирди.
26 ёшли футболчи июль ойи бошида "Реал Сосьедад"дан "канонирлар" сафига келиб қўшилганди.
"Артета менда нима кўрганини билмайман, лекин мен уни анчадан бери Европанинг энг яхши мураббийларидан бири деб биламан. "Реал Сосьедад"дан кетганимдан кейин менга яхши мураббий керак эди - уни топгандек бўлдим. "Арсенал"да жуда оз вақт ўтказдим, аммо Микель ўйиннинг ҳар бир жиҳатида синчков эканини аллақачон пайқагандим. Менимча, у менга керак бўлган мураббий. У ярим ҳимоячиларга жуда талабчан," - дея хавбекнинг сўзларини келтиради инглиз ОАВ.
Мартин Субименди трансфери "Арсенал"га 70 млн еврога тушган.
