"Брентфорд" форварди Йоан Висса ёзда жамоасини ўзгартириши мумкин, аммо "Ньюкасл"нинг бу борадаги дастлабки қадами муваффақиятсиз чиқди.
The Athletic хабарига кўра, 28 ёшли ҳужумчи учун "қарғалар"нинг 25 миллион фунтлик таклифи "Брентфорд" томонидан рад этилган.
Журналист Бен Жейкобснинг маълум қилишича, "Ньюкасл" Виссани ўз сафига қўшиб олиш ҳаракатларини тўхтатмаяпти ва 30 миллион фунтдан ошадиган янги таклифни режалаштирмоқда. Клубда келишувга нисбатан оптимизм сақланиб қолмоқда.
Ўтган мавсумда Висса Англия Премьер-лигасида 35 та ўйинда майдонга тушиб, 19 та гол урган.
