"Аталанта" ҳужумчиси Адемола Лукманнинг Миланнинг "Интер" клубига трансфери яқинлашмоқда. Бергамоликлар ўз футболчисининг нархини пасайтирди. Бу ҳақда La Repubblica хабар бермоқда.

Манбага кўра, "Аталанта" нигериялик билан 45 млн евро эвазига хайрлашишга тайёр. Бу бергамоликлар аввалроқ сўраганидан 5 млн еврога кам. "Нерадзуррилар" учун бу сумма мақбул ҳисобланади.

Шунингдек, "Интер" ва Лукман ҳамкорлик шартларини келишиб олишга муваффақ бўлгани айтилмоқда.

Ўтган мавсумда 27 ёшли форвард ўз клуби сафида 40 та ўйинда 20 та гол ва 7 та голли узатмани амалга оширди.