Москванинг "Локомотив" клуби ва Ўзбекистон терма жамоаси собиқ футболчиси Виталий Денисов Аббосбек Файзуллаевнинг Туркия чемпионати клубига кетиши мумкинлиги ҳақида фикр билдирди.
Аввалроқ, "ҳарбийлар" футболчисига "Истанбул Башакшеҳир" клуби қизиқиш билдираётган эди. Россия клубидан олинган сўнгги маълумотларга кўра, футболчи ҳали тиббий кўрикдан ўтмаган ва бу борадаги хабарлар ҳақиқатга тўғри келмайди. Трансфер суммаси 7 миллион еврони ташкил этиши кутилмоқда.
"Мавсум кутилганидек сермаҳсул бўлмади, аммо у барибир терма жамоа ва клуб учун жонбозлик кўрсатди ва муҳим голларни урди. ЦСКА ва Аббос бу келишувдан фойда кўрди: у энг кучли чемпионатга эмас, балки ўз даражасига мос яхши клубга ўтди," - дея Денисовнинг сўзларини келтиради "Советский Спорт".
