"Ливерпуль" марказий ҳимоячи Ибраима Конате билан шартномани узайтириш бўйича музокаралар олиб бормоқда.
26 ёшли футболчи "қизиллар"дан янги таклиф олган, бу ҳақда чоршанба куни маълум бўлди. Журналист Саша Тавольерининг маълум қилишича, "Ливерпуль" франциялик футболчига 2029 йилнинг ярмигача мўлжалланган шартнома таклиф қилган. Агар ўйинчи рози бўлса, маоши сезиларли кўпаяди.
Эслатиб ўтамиз, Ибраима Конатенинг мерсисайдликлар билан амалдаги шартномаси 2026 йилнинг ёзида ўз ниҳоясига етади. Унга Мадриднинг "Реал" клуби даъвогарлик қилмоқда ва уни яқинлашиб келаётган мавсум якунлангач, эркин агент сифатида ўз сафига қўшиб олишни режалаштирмоқда.
