"Вольфсбург" клуби матбуот хизмати "Наполи" вингери ва Дания терма жамоаси футболчиси Яспер Линдстрем билан шартнома имзолаганини эълон қилди.
25 ёшли футболчи келаси мавсумни немис клуби сафида ижара асосида ўтказади. Инсайдер Николо Скиранинг маълум қилишича, шартномада 15 миллион еврога сотиб олиш имконияти кўзда тутилган. Линдстрём аллақачон немис клуби билан сотиб олинган тақдирда 2030 йилгача амал қиладиган шахсий шартномани келишиб олган.
Ўтган мавсумни даниялик "Эвертон"да ижарада ўтказган ва 30 та ўйинда майдонга тушиб, жамоадошларига иккита голли узатмани амалга оширганди.
