"Милан" ва "Ювентус" Душан Влахович трансферини муҳокама қилмоқда.
Журналист Альфредо Педулланинг маълум қилишича, сўнгги соатларда икки клуб ўртасида илк бор алоқалар ўрнатилган.
Таъкидланишича, ҳужумчи аввалроқ "россонерилар" устози Массимилиано Аллегри билан гаплашган. Иккала томон ҳам келишув тузишни хоҳлайди, аммо молиявий масалалар жуда муҳим бўлиб қолмоқда.
Агар Влахович "Милан"га ўтиш учун маошини камайтиришга рози бўлса, "Ювентус" тўлаши керак бўлган товон пули ҳал қилувчи аҳамиятга эга бўлади. Агар бу товон пули форвардни қониқтирса, томонлар 12 млн евро (амалдаги шартнома бўйича қолган маош) тўловини узоқроқ муддатга тақсимлашга келишиб олишлари мумкин.
Трансфер суммаси камида 18-20 млн еврони ташкил этиши кутилмоқда, унга бонуслар ҳам киритилиши мумкин.
