"Milan" va "Yuventus" Dushan Vlaxovich transferini muhokama qilmoqda.

Jurnalist Alfredo Pedullaning ma’lum qilishicha, so‘nggi soatlarda ikki klub o‘rtasida ilk bor aloqalar o‘rnatilgan.

Ta’kidlanishicha, hujumchi avvalroq "rossonerilar" ustozi Massimiliano Allegri bilan gaplashgan. Ikkala tomon ham kelishuv tuzishni xohlaydi, ammo moliyaviy masalalar juda muhim bo‘lib qolmoqda.

Agar Vlaxovich "Milan"ga o‘tish uchun maoshini kamaytirishga rozi bo‘lsa, "Yuventus" to‘lashi kerak bo‘lgan tovon puli hal qiluvchi ahamiyatga ega bo‘ladi. Agar bu tovon puli forvardni qoniqtirsa, tomonlar 12 mln yevro (amaldagi shartnoma bo‘yicha qolgan maosh) to‘lovini uzoqroq muddatga taqsimlashga kelishib olishlari mumkin.

Transfer summasi kamida 18-20 mln yevroni tashkil etishi kutilmoqda, unga bonuslar ham kiritilishi mumkin.